ضحك وفرفشه من الاخر

مره واحد وجد جيرانه عاملين دوشه فنادى انتو ياللى فوق بطلو الخبط ده فرد ابنهم الصغير عليه و قال: معلش يا عمو اصل ماما بتنفض البنطلون بتاع بابا فقاله: البنطلون تقيل قوى كده لدرجه انه يعمل الدوشه دي كلها فرد الولد و قاله: اصل بابا جوه البنطلون.

********************

واحد بلدياتنا واقف و معاه ارنب فمر عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلم الارنب

***************

مرة واحد بلديتنا ربنا كرمه ? فتح فرن عيش, اول يوم راح واحد اشترى منه 10 ارغفة ? روح بيتهم فتح اول رغيف وجد فيه ودن فار , فتح تانى رغيف وجد فيه رجل فار , فتح تالت رغيف وجد فيه ديل فار , راح تانى يوم لبلديتنا قال له ايه ده ياراجل انا حابلغ التموين ? اقفل لك الفرن ده , رد عليه بلديتنا ? قال له ايه يا استاذ انت ما بتفهمش ولا ايه , دى مسابقة انا عاملها جمع الفار تكسب الفرن

****************

مرة واحد بخيل جداً إشترى دش طلع علقه ع السطح وقفل السطح وكتب ع الباب إحترس كلب متوحش ... الجيران اجتمعوا واتفقوا على ان يصعد واحد منهم للتخلص من الكلب ..
·وبالفعل إختاروا واحد ، صعد إلى السطوح ونزل يجرى وهو يلهث .. وحين سأله الجيران "ها شفت الكلب" رد "لا شفت الطبق اللى بياكل فيه

***************

واحد أخنف حظه وحش قوي....وقع في حفره...و فضل مستني لغاية ماواحد جه....و على حظه كان أخنف برضه
·الأخنف اللي فوق قال...استنى شوية..حاطنّنعك دنوأتي ,قاله نببنا يخننيك بسنعة ..قال له و كمان بتتنيأ؟؟؟ طب ابقى شوف مين حيطننعكّ

****************

مجموعه من بلدياتنا ماتوا غرقانين في غواصه وبعد التحقيق في الحادث أكتشفوا أن واحد فيهم سمع خبط بره راح فاتح الباب يشوف مين

****************

في واحد قاعد في القطار سأل اللي جنبوا أنت بتشتغل إيه

قاله فناااان

قاله فنان يعني بتغني؟ قاله لأ

قاله بترسم؟ قاله لأ

قاله فنان إيه؟ قاله فناااااان .. بحط االعيش في الفنن

(( فن يا معنم ))

******************

بيقولك مره واحد بخيل

ابنه: بابا انا عايز 50 قرش

أبوه: انت عايز 40 قرش هاتعمل ايه بال 30 ممعاييش غير ريال تاخد بريزه

***************

مرة واحدة كل ماتشوف جوزها تقولوة ياعم روح هات

هات لنا مروحة هات لنا تلاجة هاتلنا غسالة هاتلناااا هاتلنااا هاتلناااااا

المهم قالها انتى ايه ياشيخة انتى مافيش مرة تقولى خد ؟

قالتلوة طيب خد التلفزيون صلحه

******************

مرة واحد اشترى غسالة فول أوتوماتيك

مراته عزمت الجيران علشان يشوفوها حطت في الغسالة 20 كيلو غسيل

والغسالة يا عيني بتاخد بس 7 كيلو بس

وشغلتها والجيران باركولها وعزمتهم على كباية شاي

وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة

شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره

هههههههههههههه

ههههههههههههههههههه تسنم ايدك انتي هههههههههههه